गझल : हेमंत पुणेकर

 

बोलणे* माझे ओबडधोबड 

तिचे मौनही तीक्ष्ण नि परखड 

घडू देईना* घरात संवाद^

सतत सुरू भांड्याची खडखड 

सोपे सोपे शिकवून सारे*

पेपर त्याने काढले* अवघड 

सोडून थकलो*, सुटली नाही

एक तुला बघण्याची आवड 

मी, घर, नाते, नोकरी*, दुनिया

कशाकशाची घालू सांगड? 

..…..........….......…...........

*या चिन्हांकित ठिकाणी मात्रा घटवल्या आहेत.

^ चरणान्ती आलेल्या 'द' ह्या अकारान्त अक्षराची मात्रा उर्दू परंपरेप्रमाणे मोजलेली नाही.